高Ling生日撞正新劇外景戲份完成 即收花戴后冠跳開心舞慶祝

1月13號生日嘅 高海寧 近年事業發展得意﹐早前仲參與新春賀歲新片《麻雀女王追男仔》，日前同片中拍檔陳靜 林襄 齊齊參與星期日播出嘅《大師兄新春感謝祭》玩得非常開心。同馬明合作完賀歲片嘅佢，隨即亦再次合作新劇《夫妻的博弈》，最近就不時喺深圳拍攝外景喇。

高Ling參與嘅感謝祭剛周末先播出，佢同陳靜、林襄仲有導演似乎非常盡興
今日高Ling正日生日，而生日前夕於深圳嘅外景拍攝亦剛好全部完成，開心到壽星女高Ling手舞足蹈，而劇集監製 鍾澍佳 亦為佢送上鮮花祝賀，高Ling仲開心到叫佳導為自己唱生日歌，之後馬國明等台前幕後亦齊齊為佢唱歌慶祝，非常熱鬧。
一聽到完成內地外景拍攝嘅高Ling，就即刻難掩興奮表情喇

佳導同劇組送上蛋糕同鮮花祝賀

而劇中唔同工作人員亦分別送上小禮物為高Ling賀壽，佢亦於社交平台分享唔同Fans為佢祝賀嘅Post，非常有愛。

郭柏姸、馬國明仲有黃智賢等演員都一齊祝賀壽星女