萬千星輝頒獎典禮2024丨姜大衞獲眾後輩投男配一票 女配大熱楊卓娜眼睛受感染

《萬千星輝頒獎典禮2024》將於1月19號喺澳門隆重舉行，而「最佳男、女配強」最後10強位位實力不容忽視，老中青三代同場競爭，激烈程度不亞於「最佳男、女主角」。

「最佳男、女配強」最後10強位位實力不容忽視，老中青三代同場競爭。
男配角名單中有姜大衞（John哥），呢位大前輩卻講到自己今次係陪跑，身邊幾位後輩何廣沛、羅天宇等即刻話唔係，廣沛仲話如果John哥話陪跑，咁佢應該要棄權。天宇話有投John哥一票，而廣沛同阮浩棕亦投咗John哥之外，仲有投蕭正楠一票。林景程對於有機會同John哥、阿蕭及袁偉豪競逐同一個獎，經已覺得好威！

林景程對於有機會同John哥、阿蕭及袁偉豪競逐同一個獎，經已覺得好威！

大前輩姜大衞（John哥）講到自己今次係陪跑。
喺「最佳女配角」方面，楊卓娜就係大家公認嘅勁敵，所以陳曉華同劉穎鏇將戰場拉去「最佳衣著獎」，而大熱卓娜呢日眼腫腫現身記招，原來佢左眼受細菌感染而嚴重發炎，佢憶述受感染嘅情況。至於能否趕及頒獎禮前康復，佢就佛系面對。

楊卓娜就係大家公認嘅勁敵，所以陳曉華同劉穎鏇將戰場拉去「最佳衣著獎」。大熱卓娜呢日眼腫腫現身記招，原來佢左眼受細菌感染而嚴重發炎。