萬千星輝頒獎典禮2024丨第二輪投票將於1月12日深夜結束觀眾爭取最後機會投下心水選票

《萬千星輝頒獎典禮2024》將於1月19日喺澳門舉行，而公眾投票亦會於香港時間1月12號午夜結束，經過早前嘅第一輪投票之後，各個獎項嘅十強名單經已產生，今年亦新增設《最佳男新人》同《最佳女新人》獎。

重要嘅事情要講多次，進入咗第二輪投票階段，大家之前第一輪投票嘅選擇會清空，所以大家要再喺十強揀選心水投票，記得第二輪係要重新再投多次。
經已投票嘅觀眾，亦可以喺截止前喺網上重新向心水劇集同演員投下一票，系統會以截止時嘅投票結果作為投票者最終決定。

把握最後時間投票，同埋提醒身邊親友支持心中劇集同演員，到1月19號晚大家就可以收睇頒獎禮直播得知各個獎項得主名單。