《東張》女神何沛珈腰幼難揀頒獎禮性感戰衣 幫緋聞男友拉票讚阮浩棕喊戲催淚

《東張西望》女神何沛珈近嚟人氣上升，連帶工作量越嚟越多，佢獲廣告商垂青，接拍健康產品廣告，展現性格開朗鬼馬，拍攝當日著上入膊連身短裙，喺鏡頭前要瘋狂扭腰左右擰，盡展S形弗爆身段。

《東張西望》女神何沛珈接拍健康產品廣告，展現性格開朗鬼馬。
何沛珈接拍呢個廣告前，啱啱開始喺深圳開劇拍《夫妻的博弈》，所以何沛珈冇太多時間去跑步，惟有控制吓飲食方面清淡啲，拍之前佢食咗啲product一段時間，袪到水腫，佢話冇刻意減肥，何沛珈覺得暫時身形幾健康。

何沛珈喺鏡頭前要瘋狂扭腰左右擰，盡展S形弗爆身段。

何沛珈發揮鬼馬本色，不斷發放「表情包」，面對眼前嘅蛋糕同甜品更係愛不釋手。何沛珈笑指平時唔敢食咁多，拍緊廣告有機會光明正大咁樣食蛋糕，佢當然大開「食」戒，唔算拍咗好多take，所以拍完之後佢都食多兩啖先放低。

何沛珈笑指平時唔敢食咁多，拍緊廣告有機會光明正大咁樣食蛋糕。
何沛珈透露為咗1月19號出席《萬千星輝頒獎典禮》預備性感戰衣有啲頭痕，而家手頭上有五件至到六件揀緊：「造型師同我搵衫好難，因為佢話我條腰太幼，所以有時啲衫過到嚟啲腰位會鬆，咁就一定要改。」
何沛珈透露為咗1月19號出席《萬千星輝頒獎典禮》預備性感戰衣有啲頭痕。

何沛珈去年除咗《東張西望》外，更獲唔少機會主持慈善大騷，今次成功打入「最佳女主持」最後10強，成績獲得肯定，佢指今次頒獎禮係去參加一個大型party，何沛珈坦言目前仲係學習階段，10強大部份主持都係佢努力學習嘅對象，所以抱住好輕鬆嘅心情參加，嚟緊又會拍攝另外一套劇，佢都冇花太多心機去拉票，專心演角色繼續努力！

何沛珈幫緋聞男友阮浩棕拉票，大讚阮浩棕喊戲好催淚。
講到緋聞男友阮浩棕憑《異空感應》入圍「飛躍進步男藝員」及「最佳男配角」兩個獎項，外界呼聲相當高，何沛珈話未有時間睇晒《異空感應》成套劇，讚阮浩棕喊戲真係好催淚，睇到好多人眼濕濕，何沛珈主動幫緋聞男友拉票，「莊定勤係值得一票」。