最佳節目主持十強現身鬥拉票 婉婉淡定入五強幫文軒剪戰衣

下個星期日就係《萬千星輝頒獎典禮》，各個獎項提名人亦陸續同大家見面拉票》，呢日提名主持嘅十強包括 車婉婉 朱凱婷 陳懿德 梁思浩 周奕瑋 許文軒 鄭衍峰 等就參與記者會，仲即席拉票喇。

入圍男女主持十強嘅各位提名者都非常謙讓

女主持們似乎就對打扮非常重視喇
去年得到最佳主持嘅Jarvis，今年就睇好相識多年嘅好拍檔Edmond，而Edmond同大家就希望先入到5強再進一步先講信心問題喇。幸美就指已經準備好戰衣，而個個星期喺《中聲》同大家見面嘅婉婉，就話入五強之後胸前領位就可以「再下一城」喎。
婉婉指入圍五強就當得獎，又話要親手幫文軒剪衫露胸肌

至於村長思浩就指自己信心不大，反而希望《直播靈接觸》得到最佳綜藝節目，佢仲預告息閉多年嘅關秀媚下星期會現身節目，而朱凱婷就認為大家都各有特色喇，德德仲大讚Heidi至今做事一樣認真，晚晚完節目都會睇重播研究，希望盡善盡美呀。
何沛珈預告打扮將會低調為主

身材勻稱嘅何沛珈同樣有入圍，雖然唔少朋友都期待佢嘅戰衣，但係佢就話會以低調為主，仲話會以型格為主。至於陳庭欣就謙稱年月漸長，一定要保暖為先，而思浩就話會再著當年首次獲提名嘅戰衣上陣喇。