鄭衍峰 孔德賢 陳懿德洗樓拉票 大膽攞即食麵賄賂總經理曾志偉

萬千星輝頒獎典禮嘅投票活動進入最後倒數，入圍藝人各出奇謀拉票，鄭衍峰、孔德賢同陳懿德就趁公司盆菜宴，推住成車即食麵洗樓拉票，包麵上除咗貼有佢哋3個拎住獎嘅大頭公仔外，仲寫住「選情告急」同「純正親生仔」嘅字眼。而洗樓途中遇到總經理曾志偉，當然都唔可以放過咁重要嘅一票啦！估唔到志偉即場搞gag話佢哋賄賂，搞到三人好尷尬。
拉票公仔麵。志偉話佢哋係賄選。
三人過程中陸續遇到唔少高層，繼續努力拉票，之後仲遇到視帝候選人羅子溢，大家即刻把握機會互相投票，子溢仲搞笑話，投唔投佢係其次，最重要係視后一定要投俾太太楊茜堯。
區永權都被捉住投票。遇到視帝候選人羅子溢。
三位為咗拉票可以話係豁出去，德德為咗得到區永權嘅一票，仲不惜自爆同羅天宇嘅緋聞。而鄭衍峰就話如果觀眾想得到佢哋呢包選情告急嘅即食麵，可以cap低投咗票嘅圖，佢哋就會諗辦法將麵寄到你手上啦！
遇到何麗全。三人向樂小姐拉票。