TVB一連兩晚盆菜宴熱鬧登場 主席許濤宣布加薪 全場歡聲雷動

一年一度嘅TVB職藝員新春盆菜宴一連兩晚舉行，大家一齊品嚐豐富嘅鮑魚盆菜賀新春，不過最令全體職藝員鼓舞嘅，一定係行政主席許濤宣布將會加人工嘅好消息。主席講到：「2024年肯定係唔容易嘅一年，無論外圍經濟環境，或者媒體娛樂行業，都有好多挑戰，但係我可以好負責任咁同大家講，喺過去一年，我地好成功咁面對呢啲挑戰，TVB嘅業務無論財務上，或者節目上，都有好大嘅認同，所以大家應該為過去一年得到咁好嘅成果而驕傲。」並宣布即時為全體職員加人工，現場即刻歡聲雷動。
主席許濤宣布將會加人工一連兩晚嘅TVB職藝員新春盆菜宴，於9號晚舉行。
萬千星輝頒獎典禮嘅入圍藝人，年年都把握咁齊人嘅機會拉票，第一日已經有唔少視帝視后候選人現身，包括譚俊彥、陳豪、張振朗、林夏薇、張曦雯、姚子羚等，振朗為咗幫《反黑英雄》拉票，仲大膽承諾要派福利，就係公開子羚嘅水著相。
眾藝人聽到加薪消息都好開心。視帝視后嘅候選人都齊齊拉票。
而入圍飛躍進步男藝員嘅陳浚霆，出動埋道具拉票，仲有一大班《愛回家之開心速遞》嘅演員助陣，三太樊亦敏仲誇下海口話如果風少攞獎，就會同二太蘇恩磁一齊著三點式，嚇得二太即刻耍手兼擰頭。
巨多職藝員一齊合照。
上屆視帝陳豪今年再度憑《企業強人》入圍視帝十強，不過都未到頒獎禮，大家已經不停恭喜阿Mo，原來係佢太太陳茵媺傳出疑似再度有喜，不過阿Mo就不停笑住否認傳聞。
周吉佩上台獻唱。
盆菜宴上中聲唱將輪番上台獻唱助興，曾志偉興之所至，盆菜菜宴結束後拉大隊帶藝人去到《J Music》錄影廠繼續歡唱，林夏薇仲同志偉合唱《你最珍貴》。

顏米羔、顏志恒、支嚳儀。

張曦雯、姚子羚、陳豪。