大師兄開學感謝祭丨陳豪出戰Game騷獲媽咪捧場 張曦雯期待企業強人首播

陳豪、張曦雯、龔嘉欣、譚俊彥、李芷晴同尹詩沛等一眾新劇《企業強人》嘅演員，呢日作客《大師兄開學感謝祭》，孭住書包玩遊戲嘅佢哋場面搞笑，玩得投入，連阿Mo嘅媽咪同哥哥都成為座上客欣賞錄影。

陳豪同Kelly玩得好開心。

Kelly笑指阿Mo好似好輕鬆咁玩，但成日都被佢勝出賽事，問到對邊個遊戲玩節最有信心？阿Mo就話：「爭櫈仔。」Kelly就話係「彈遮遮」。嘉欣就話勝負係其次，最緊要成個氣氛開心，最鍾意聽到就係打和。

龔嘉欣同譚俊彥一齊接受訪問。

新劇《企業強人》即將推出，幾位主角都好期待以新角色同觀眾見面，Kelly就話劇中角色關係複雜，阿Mo就話好耐都冇啲商戰片為題嘅劇，相信觀眾都會期待。嘉欣就話自己嘅角色要橫跨十年，初時都諗會唔會做唔到後生造型，Shawn就話成套劇都係靚人、靚衫、靚景，所以冇理由唔捧場。