陳山聰龔嘉欣捐出私人物品為養老院募集善款

陳山聰同龔嘉欣早前去到澳洲出席中秋嘉年華活動，二人喺颱風摩羯襲港時由香港出發到悉尼，抵步後佢哋盛裝出席「星光熠熠黃飛鴻慈善宴」，為澳華養老院募集善款。

陳山聰同龔嘉欣早前到澳洲出席中秋嘉年華活動。

藝人們捐出私人物品拍賣籌款，龔嘉欣率先捐出自己首次演女主角嘅劇集《堅離地愛堅離地》、喺劇中所佩帶嘅耳環，而陳山聰則捐出喺劇集《反黑英雄》入面，佢所佩帶嘅手錶，現場善長競投激烈，為大會籌得可觀善款。
陳山聰與fans近距離接觸。
陳山聰大讚澳洲嘅風景怡人，令人陶醉，佢指自己每日都六點去到唔同嘅景點跑步。嘉年華上山聰獻唱佢出道嘅第一首歌曲〈ABCD〉，期間一度落台同觀眾握手合照。而龔嘉欣同樣為澳洲觀眾大開金口，喺台上與觀眾玩遊戲，並為大家推介 TVB Anywhere 電視盒子嘅功能同賣點，呼籲觀眾支持正版，購買TVB Anywhere 電視盒子收睇佢哋演出嘅劇集同TVB 其他精彩節目。TVB Anywhere 澳洲獨家代理 Australia Chinese Entertainment 澳華娛樂特別喺嘉年華推出 TVB Anywhere 用戶優惠，即場訂購就有機會到台上同藝人們玩遊戲、影相同索取簽名相。

龔嘉欣喺嘉年華上大開金口。陳山聰為澳洲觀眾獻唱。山聰勁親民，落台同fans合照。陳山聰同龔嘉欣出席見面會。

而喺8號嘅「陳山聰、龔嘉欣悉尼見面會」中，佢係同粉絲舉行 1 對 1 見面會，寵粉嘅山聰同嘉欣，滿足fans們所有要求，同大家渡過愉快嘅下午後，山聰同嘉欣就去探訪當地澳為長者服務嘅療養院同長者中心設施，當然唔少得同老友記們玩遊戲、做健身操等等。
陳山聰同龔嘉欣去探訪老友記。
呢次探訪，最令佢哋印象深刻嘅係一位九十多歲嘅婆婆，對方親手製作了兩幅精美嘅刺繡，送畀山聰同嘉欣，這份充滿心意嘅禮物令佢哋讚嘆不已。