9月壽星丨胡定欣踏入43歲被敲酒店房門贈紅玫瑰 黃日華孖楊茜堯黃翠如食飯賀生日

9月圈中壽星特別多，向來圈中人緣極佳嘅壽星，當然有一班朋友輪流同佢哋食生日飯。9月4號生日嘅黃日華（華哥），就有黃翠如、楊卓娜及楊茜堯陪佢慶祝生日，而楊茜堯係8月30號生日同華哥差6日，所以佢哋都一齊捧蛋糕影合照。

楊茜堯係8月30號生日，華哥係9月4號生日。
翠如今日喺IG貼出合照並留言：「華哥和二家姐的生日，已經很期待《黑色月光》中兩位家姐嘅精彩演出。」翠如拍《黑色月光》跟楊茜堯及楊卓娜劇中飾演三姊妹，現實生活感情亦非常好，不時相約聚餐。

黃翠如、楊卓娜及楊茜堯早前為9月4號生日嘅黃日華慶祝生日。
同樣人緣好嘅仲有胡定欣，早前獲一班「將軍澳福利會」好友胡蓓蔚、單立文、袁偉豪、張寶兒及陳山聰等為佢提早慶祝生日；定欣目前為TVB電視電影《尋夢琴澳》拍攝，今日9月9日正日生日，雖然43歲生日喺工作中度過，不過佢今日喺IG貼出捧着一大束紅玫瑰嘅相，不少圈中好友宣萱、馬浚偉、楊茜堯、陳煒、胡杏兒、黃智賢、蔡潔及楊秀惠等紛紛留言賀壽星女。

今日9月9日正日生日，定欣喺IG貼出捧着一大束紅玫瑰嘅相。
定欣指踏入12點就有人敲酒店房門，令佢有啲嚇親，原來送花嘅人係樂易玲與邵氏經理人部門同事，而《尋夢琴澳》演員馬國明、譚俊彥、陳展鵬、林夏薇及張曦雯亦有為定欣慶祝生日，林夏薇今日喺IG貼出合照寫道：「Happy birthday to my dear，祝你健康幸福，越大越靚！心想事成！永遠愛我。」

原來送花嘅人係樂易玲與邵氏經理人部門同事。《尋夢琴澳》演員亦有為定欣慶祝生日。