譚俊彥父子檔出戰馬拉松 洪永城帶小朋友拜年幫補家計

譚俊彥 洪永城 以及殘奧金牌得主 蘇樺偉 無懼寒冷天氣警告，齊齊出動跑馬拉松，阿Shaun仲帶埋囝囝父子兵上陣，希望比佢一個難忘嘅回憶。而Tony嘅太太梁諾妍係跑步發燒友，不過唔止無過幾招比Tony，反而仲提佢跑完早啲返屋企湊小朋友呀。

譚俊彥呢日帶埋囝囝，同洪永城一齊參加跑步活動
Tony日前帶埋太太同囡囡，相約蕭正楠、黃翠如以及連詩雅一家三個家庭family gathering，兩位爸爸有女萬事足，不過準爸爸阿蕭就只可以湊住公仔，畫面十分搞笑，Tony話大家都有交流下湊B經，仲逐一解答大家嘅湊B疑難。
Tony同家樂湊B，而準爸爸阿蕭就只可以用公仔練習

得返半個月就到農曆新年，阿Shaun就話小朋友好多功課做，加上想多啲陪伴老人家，所以無外遊度歲計劃，而Tony亦都話會留港度歲，同家人相聚同埋帶小朋友去拜年，希望幫補下家計。

阿Shaun指今年未有出外度歲嘅計劃