奔跑吧！勇敢的女人們丨蕭正楠面對朱敏瀚全裸感尷尬 賴慰玲被掌摑專注演內心戲

蕭正楠喺TVB熱播劇《奔跑吧！勇敢的女人們》飾演丁仲堯為幫賴慰玲（Winki）飾演嘅情婦沈洛澄拆彈，不惜犧牲色相扮全裸直播沖涼走光。拍攝當阿蕭要喺大批工作人員、吳若希（Jinny）及朱敏瀚面前着肉色打底褲扮全裸。

蕭正楠為幫賴慰玲拆彈，不惜犧牲色相扮全裸直播沖涼走光。
阿蕭話喺Jinny面前唔覺尷尬，反而最尷尬係面對朱仔。阿蕭解釋因為朱仔擁有45吋胸，而自己身型相差太遠，當面剝衫會有尷尬感覺，阿蕭事前有叮囑自己唔好緊張，加上播出街時又唔會走光，若果有走光鏡頭，相信會剪走。

拍攝當阿蕭要喺大批工作人員、吳若希及朱敏瀚面前着肉色打底褲扮全裸。
阿蕭今次同Jinny、Winki合作，拍得好開心，笑指Jinny係傻、Winki係癲，而自己係狂，三人聚埋一齊度到好多得意笑位；Winki喺劇中被誤指同「老闆」鄧英敏搞婚外情，惹嚟「正印」林漪娸殺上公司掌摑追究，Winki拍攝前仍心情輕鬆，同朱仔不停講笑，Winki話拍呢場戲份最擔心係點演好內心戲，因為被掌摑後要做出委屈樣。

Winki喺劇中被誤指同「老闆」鄧英敏搞婚外情，惹嚟「正印」林漪娸殺上公司掌摑追究。
而喺劇中負責氣氛擔當嘅唐嘉麟及何遠東，佢哋就話事前不停喺劇本加入笑位，加上面對程可為、林漪娸等殿堂級演員，令佢哋更加係打足十二分精神。

Winki話拍呢場戲份最擔心係點演好內心戲，因為被掌摑後要做出委屈樣。