獨家丨朱敏瀚經典學生兼保鏢Look重現 被吳若希恥笑曾封最英俊王子

蕭正楠Edwin Siu、吳若希Jinny、賴慰玲Winki、朱敏瀚Brian等主演溫情喜劇《奔跑吧﹗勇敢的女人們》加入不同創新元素，除咗將阿蕭同Winki以AI還原青春時期之外，呢集為咗交代朱仔角色身世，引入咗佢曾經出演嘅劇集角色片段，包括第一套劇《點解阿Sir係阿Sir》飾演學生，就讀齊齊哈爾同鄉會林天光紀念中學，《反黑路人甲》保鏢角色以及獲得最英俊王子大獎。Jinny一聽到呢個獎就恥笑朱仔，仲話對戲時已經忍唔住爆笑，好彩可以套用到劇中情節。
Jinny話朱仔都有搞笑一面。Jinny話朱仔都有搞笑一面。好青春嘅朱敏翰呢張相入面有好多相熟面孔。
劇中搞笑嘅伏線眾多，阿蕭同Winki嘅感情線衍生好多笑料，朱仔飾演嘅禾平同Jinny飾演嘅采琳漸漸有更多爆笑對手戲，呢日兩人一齊喺Gym room拍攝時經常忍唔住笑，Jinny話前期拍攝因為阿蕭太好笑，令佢經常要借朱仔視線避開，但到中段朱仔同Jinny對手戲增加，而且變得輕鬆，就發覺朱仔都有勁搞笑一面，對住佢笑到收唔到聲。
劇中朱仔做gym有好多朱敏翰嘅經典角色。