吳若希笑問黃翠如借老公蕭正楠 賴慰玲1月進入預產期擔心坐月期難捱

TVB創新喜劇《奔跑吧！勇敢的女人們》今個星期登場，劇中演員蕭正楠、吳若希（Jinny）、賴慰玲（Winki）及朱敏瀚等拉大隊，同台前幕後一齊睇首播。

喜劇《奔跑吧！勇敢的女人們》正式首播
阿蕭、Jinny及Winki喺劇中嘅三角關係首集已揭開，阿蕭同Jinny率先劇透咗一場極度期待嘅場面，阿蕭自覺要赤膊亮相，又要跟朱仔同場，阿蕭心諗同朱仔一齊冇著衫，感覺有啲比下去，阿蕭笑指齋睇自己赤膊OK，Jinny爆阿蕭近乎全裸只係用遮重要部位，嗰個化學效果幾好睇。 
主演同工作人員齊齊聚會食飯睇首播

Jinny有一場戲要色誘阿蕭，可惜唔成功，Jinny笑指老公係好鍾意睇佢拍無厘頭嘅戲；阿蕭同劇組睇首播，老婆翠如就同屋企人一齊支持劇集，女主角Jinny出post做宣傳，就吸引蕭太互動，Jinny笑稱要向翠如借老公，借住嚟用20集先！
雖然翠如未有現身，不過就同屋企人一齊支持喇

Winki一月進入預產期，走佬袋各樣都準備就緒，盡量出嚟玩，佢最擔心留喺屋企坐月期好難捱，到時要多啲打畀朋友吹吓水，不過Winki好期待拖住一個、抱住一個嘅畫面。

《奔跑吧！勇敢的女人們》 星期一至五晚 20:30 翡翠台