奔跑吧！勇敢的女人們丨賴慰玲分享蕭正楠20年前窩心舉動 大讚Edwin哥哥演得油膩有趣

今個星期首播嘅新劇《奔跑吧！勇敢的女人們》，劇中蕭正楠同賴慰玲以及吳若希嘅三角關係錯中複雜，而阿蕭喺劇中愛妻號嘅誇張演繹非常搞笑，連拍檔Winki都讚Edwin哥哥將角色演得油膩有趣，實在令後輩大開眼界。
賴慰玲同蕭正楠喺劇中嘅關係相當複雜。賴慰玲同蕭正楠喺劇中嘅關係相當複雜。
Winki喺社交平台分享Edwin哥哥嘅窩心舉動，佢話成個故事要喺20年前開始講起，當時細細個嘅佢有幸同Edwin哥哥一齊演出舞台劇，Winki指印象中當年演出期間係佢嘅會考放榜，由於有科唔合格，所以當時嘅佢有啲唔開心，而Edwin哥哥見到後就請佢食薯片，Winki笑言簡直係關心後輩嘅典範。
蕭正楠同Winki原來好早已經認識。呢個阿蕭攬枕不得了。
相隔20年，Winki同Edwin哥哥再度合作，Edwin哥哥都留言：「一個在樂壇，一個在舞台，結果在電視再相遇，緣份。」正印太太黃翠如亦有畀讚，而劇中太太吳若希就留言：「希望年尾投票有得投《2025萬千星輝頒獎典禮最油膩角色獎》。」
Winki 喺20年前同蕭正楠合作舞台劇。
劇中Edwin、Jinny同Winki拍攝咗一條充滿青春氣息嘅廣告片，片中三人學生造型成亮點，Edwin喺社交平台分享佢哋三人學生造型相，並喺帖文中表示：「我想話呢個唔係babyface嚟㗎，只係用AI將年輕嘅我哋執得更年輕，不過年輕版三人組係有驚艷到我，好Cute得意。」
AI執過嘅吳若希同賴慰玲。AI後嘅蕭正楠。