奔跑吧！勇敢的女人們｜商場宣傳劇情持續爆笑 演員舊史收編成故事內容

輕鬆喜劇《奔跑吧！勇敢的女人們》嘅成員呢日去到商場宣傳，劇集內容唔止同娛樂圈有關，部份劇情仲以演員過往嘅經歷有關，仲運用AI技術重現 賴慰玲 同 吳若希 嘅少女外貌，非常新奇，呢日佢哋仲話更多估唔到嘅劇情亦會陸續出現。

以AI技術重現嘅中學生Jinny同阿賴非常有趣

演員為觀眾一笑甚至出賣自己嘅過往
主角 蕭正楠 仲指拍檔間為咗搏觀眾一笑可以話奇招盡出，而Jinny仲話阿蕭毫不介意被取笑，至於阿賴公開廿年前同阿蕭合作嘅舊照，佢就指當時合作演出舞台劇，估唔到如今會扮演一對情人呀。
呢張21年前嘅合照就唔係AI，而係當年阿賴參加舞台劇同阿蕭嘅合照

而 朱敏瀚 亦都會化身中學生，解釋佢同Jinny初相遇嘅情況喎。而甘心做樹窿嘅阿堅，就似乎遇預告阿蕭同阿賴嘅關係終會穿煲，唔知最後又會點收科呢？

朱仔預告將會有同Jinny初相遇嘅劇情