奔跑吧！勇敢的女人們｜巨肚賴慰玲力撐宣傳 阿蕭被翠如日日新口味考起

喜劇《奔跑吧！勇敢的女人們》今晚20:30首播，一眾演員預先齊集商場為新劇宣傳，除咗準爸爸 蕭正楠 仲有第二胎即將臨盆嘅 賴慰玲 吳若希 朱敏瀚 都有參與，自稱肚大到有如雪人一樣嘅阿賴，就透露目前已經佗B九個月，好快就要準備分娩，不過因為拍攝時實在太開心，所以點都要參與宣傳咁話。

即將臨盆嘅賴慰玲呢日特別參與宣傳
阿蕭同Jinny呢日現場為大家唱劇集歌曲，而劇中扮演一名愛妻網紅嘅阿蕭，其實就暗交小三阿賴，至於Jinny曾怒斥老公，懷疑佢同女士過從甚密嘅女主角Jinny，就笑指最近旅行老公負責所有安排，一家非常滿意，所以大大加分呀。
表面對愛妻Jinny非常好嘅阿蕭，其實暗中有另一情人阿賴

準Daddy阿蕭照顧太太翠如都有唔少故事分享，好似每日有唔同伙食要求，就令佢頭都大喇。至於朱仔就指自己係全劇唯一嘅正常人，佢指題材以娛樂圈為主題，仲會利用佢哋過往作品套用於角色當中，似乎相當有趣。
懷孕嘅翠如口味日日轉，阿蕭就話隨時做好準備出門買嘢俾佢食喇

《奔跑吧！勇敢的女人們》星期一至五晚 20:30 翡翠台