蔡潔活動現場獻唱《法證VI》插曲 丁子朗拍劇消瘦盼增磅

丁子朗 同 蔡潔 呢日同喺巴黎奧運獲得港隊歷來最佳成績嘅賽艇運動員 趙顯臻 一齊參與活動，丁丁同Jacky仲先後獻唱，不過Dr.范 呢日為大家演唱《法證VI》插曲《Lost in the Night》時似乎非常緊張咁，之後又唱出《終身美麗》。

蔡潔呢日獻唱時略顯緊張

賽艇運動員趙顯臻呢日同丁丁仲有Jacky一齊現身活動
正拍攝文藝電影新作嘅Jacky，透露新作同金像新演員 謝咏欣 仲有大馬演員 陳澤耀 合作演出。而早前開完畫展嘅丁丁，呢日就指自己新歌已錄音完成，希望盡快推出，又可能即將加入新劇演出。變瘦唔少嘅佢，不經意間瘦咗好幾公斤，佢就指希望食返多啲，覺得自己多少少肉好睇啲呀。

丁子朗呢日睇嚟真係瘦咗唔少