李麗珍否認為王晶呷醋摑人強調二人過去並無拍拖

由李麗珍、李靖筠（Gladys）、陳湛文（Peter）主演嘅新戲呢日舉行首映禮，三位聯同導演羅耀輝以及電影公司老闆楊受成都有現身出席，更有唔少藝人，包括：衛詩雅、周家怡、許靖韻、洪助昇等到場支持。

老闆楊受成率一眾藝人出席李麗珍嘅新片首映。
日前導演王晶喺個人社交頻道提及昔日拍劇，有兩位女明星為爭自己而發生掌摑事件，網民紛紛猜測兩位當事人係李麗珍同陳法蓉。不過珍妹就話：「其實都過咗咁多年，嗰套戲都好多宣傳，到而家都唔係好清楚係咩一回事。」更反問記者：「如果你地知嘅話，可唔可以話俾我知？我都好想知。」面對王晶所講，當事女星有同佢拍過拖，珍妹就話：「如果我有同佢交往過，我唔只同佢拍一兩套戲啦。」
陳湛文、李麗珍及李靖筠。王晶早前提到有兩位女明星為爭自己而發生掌摑事件。
珍妹喺戲中飾演Gladys同Peter嘅媽媽，兩位後輩都覺得呢個合作機會特別又難忘，又大讚珍姐親切隨和。珍姐更笑言平時自己唔搽指甲油，為出席首映先會搽下扮靚。對於Gladys罕有小露性感嘅打扮，珍妹過目後就幽默表示：「可以性感多啲。」