龔嘉欣忙拍劇生意同步發展 與好姊妹拍跳舞片齊現童真

龔嘉欣 近年發展飲食事業，同事兼顧拍劇本來已經夠晒忙，但早前佢又宣佈同好姊妹 譚凱琪 合作推出女裝生意，令本來已經充實嘅日程更緊密，難怪主持《在家宴客50道菜》時，佢嘅終身大事都成為幾位大廚嘅關注重點喇。

龔嘉欣既拍劇又同時主持節目，更同步打理飲食同服裝生意，真係周身刀
而周身刀嘅Katy，發展服裝事業後就會不時同已經升任人母嘅Zoie一齊拍短片宣傳，而早已經將網上社交平台發展為事業主要部份嘅 陳凱琳 ，亦同兩位好姊妹齊齊拍片，好似近日三人就齊齊於梳化上狂跳舞，仲加入唔少小朋友入鏡，玩得非常盡興充滿笑容，媽咪輩帶埋小朋友齊齊玩到癲，果然係時代唔同，如果換著以前，一早就俾媽咪鬧到飛天，等食籐條炆豬肉喇。

雖然忙到爆，不過一有時間都會同好姊妹聚會放鬆吓