鄭嘉穎陳凱琳悉心為細仔賀兩歲生日 分享兒子改名背後故事

2013年港姐冠軍陳凱琳（Grace）近年轉型做KOL，吸金力非凡，Grace亦積極經營佢嘅家庭生活，啱啱先一家人去咗沖繩過新年，最近又為細仔Carlos（鄭承太）搞派對慶祝兩歲生日。每次Grace精心為兒子設計生日派對主題，呢次以Baby Shark為主題，Grace為三個兒子換上粉藍色靚衫，配合全場粉藍色主題，而佢同老公鄭嘉穎亦襯咗情侶裝，好姊妹龔嘉欣同譚凱琪亦有到場。

Grace喺2018年同嘉穎結婚，誕下三個囝囝鄭承悅（Rafael）、鄭承亮（Yannick）及鄭承太（Carlos）。
Grace喺2018年同嘉穎結婚，誕下三個囝囝鄭承悅（Rafael）、鄭承亮（Yannick）及鄭承太（Carlos），去年七月Grace為二仔Yannick慶祝生日時，透露Yannick出世時臍帶纏頸嘅驚險故事，呢次Grace除咗同老公喺社交平台分享生日會靚相之外，亦透露細仔Carlos中文名背後嘅故事，原來阿仔改中文係同笑聲有關。

呢次Grace除咗同老公喺社交平台分享生日會靚相之外，亦透露細仔Carlos中文名背後嘅故事。Grace同細仔開心咀嘴。
Grace喺社交平台寫道：「鄭承太～ 爸爸媽媽用咗太陽嘅太字為你改名🌞因為由你出世嘅時候，已經感覺到你帶俾人嘅溫暖同歡樂 💛你嘅笑容同笑聲令每個人都被你嘅正能量感染！」

陳凱琳好姊妹龔嘉欣同譚凱琪亦有到場。

Grace更用英文貼文表達心聲，透露唔敢相信囝囝咁快兩歲大，可以同兩個哥哥跑跑跳跳，細仔絕對係好活潑同太陽一樣力量滿滿，同時佢亦多謝各位來賓到場見證小男孩人生中嘅小小里程碑。唔少網民留言祝賀Carlos，覺得佢越大越似哥哥Rafael。

眾人同小朋友玩得好開心，秒變大細路。陳凱琳為阿仔生日派對準備咗好多食物。唔少網民留言祝賀Carlos，覺得佢越大越似哥哥Rafael。