​​Angelababy化身沙漠神女派福利 與小海綿舊照被翻出遭質疑為洗白

Angelababy一踏入2025年就大派福利，工作室發佈一組最新硬照，相中Baby化身沙漠神女，喺一片黃沙中擺出各種pose展現美態，Baby著住金色飄逸長裙，時而冷豔面對鏡頭，時而嶄露神秘氣質，有網民形容Baby似沙漠中盛開嘅一朵金花，大讚她是天生女神，而Baby亦寫下佢對新一年嘅願景，「祥龍辭歲，瑞蛇迎新。祈願新歲盛警，情寄天地，心向暖陽。」

Angelababy 化身沙漠女神。Angelababy 化身沙漠女神。

Baby今年二月將滿36歲，不過無論體態或者外貌，都維持得好好，佢自從2022年1月宣布同黃曉明離婚後，兩人共同撫養囝囝小海綿，日前網上流傳Baby同小海綿兩母子撐枱腳嘅相，見Baby照顧阿仔無微不至，十足慈母樣，不過就有網民踢爆呢幾張其實係舊相，話Baby當初因為入場睇BlackPink成員Lisa演出嘅《瘋馬秀》被封殺，所以特登營造慈母人設，仲有人以陰謀論角度認為呢輯相再度流傳，應該係有人想幫自己洗白，以全新形象迎接2025年。
Angelababy 工作室派福利，上載多張baby美照。
Angelababy 工作室派福利，上載多張baby美照。每張都靚到可以用嚟做wallpaper。每張都靚到可以用嚟做wallpaper。