電影泉攻略｜陳靜憶入行霎時衝動 林襄本色演出難忘劇組港式美食丨EP137

今個星期由王鎮泉主持嘅《電影泉攻略》繼續為觀眾送上新鮮滾熱辣嘅電影快訊，今集《影人Talk》邀請到即將上映賀歲片宣傳嘅陳靜（Dada）同啦啦隊女神林襄一齊分享，Dada飾演一位片場親密指導員，林襄則本色演一位偶像新人。
林襄 同 陳靜 嚟到《電影泉攻略》
Dada覺得角色好特別，屬演員好好溝通橋樑，例如動作戲預先溝通點做，遇上疑難如何解決，因為始終女性好被動，好多人會怕醜唔敢發問，而Dada遇到事情會行先一步去解決，認為唔可以咁被動，所以自己嘅勇氣係從入行時鍛鍊出來，娛樂圈工作令佢變得性格堅強。
林襄
林襄出演角色前並無刻意做準備，因為角色講佢首次拍電影，只須重拾以前初入行嘅天真爛漫一面去演就得，加上啦啦隊係林襄職業之一，所以佢覺得演繹角色嘅道路同自身差唔多，喺神態同形象比較容易掌握，令林襄最難忘嘅反而係拍攝期間，獲劇組貼心送上多款港式食物，例如燒賣、雞蛋仔等供應不絕。
陳靜
本周電影新片速遞分別有《此刻的我們》，由金球獎影帝Andrew Garfield、《奧本海默》女星Florence Pugh主演，故事圍繞一名前途無可限量嘅女主廚，遇上失婚男子，一次邂逅，改變咗佢地嘅餘生。就喺兩人相愛成家之後，一個突如其來嘅真相，再次撼動幸福生活。

《逆球大叔》過氣排球好手宇鎮退役後擔任排球教練多年，但領軍勝出率得10%，啱啱經歷完離婚同破產，又陷入失業危機，幸好出現一線生機，條件就係帶領瀕臨解散嘅女子排球隊「粉紅風暴」贏返一次！化解危機谷底反彈。

《美妙寵物 光之美少女電影：心跳加速 遊戲世界大冒險!》講電子遊戲「心跳加速.狸貓王國」掀起大熱潮，點知遊戲突然出現異象，唔單只有可疑狸貓由螢幕中跳出，更將人吸入遊戲世界，迷失喺奇妙空間之中。

《仇雲殺機》講吉井喺工廠工作，同時經營低買高賣嘅網上經銷生意，放售醫療器材、手袋、手辦模型等任何能夠炒賣嘅物品。網上生意越做越大，吉井辭去正職，同女友租住一間喺城外湖邊嘅屋。喺當地青年佐野嘅幫助下，吉井越嚟越風生水起，但身邊不安弔詭嘅事亦接連發生。

《熱血燃燒》緝毒隊四兄弟曾參與圍捕毒梟行動，點知因為有內鬼洩密令佢哋陷入圈套。泰樺同老米為揭真相、剿滅毒梟，二人分道對抗，喺忠誠與背叛、正義與邪惡之間掙扎，正義之戰難見終局。

本周票房龍虎榜截至1月8號中午，第一名係《誤判》、第二名《破‧地獄》、第三名《獅子王：木法沙》。