衛詩雅《破．地獄》重頭戲震撼觀眾 許冠文朱栢康喜獲亞洲電影大獎提名

黃子華及許冠文（Michael）攜手主演嘅電影《破·地獄》，票房勢如破竹，由11月9日開畫日起連續62日留守票房三甲位置，打破多達十一項影史紀錄，最新港澳累積票房數字突破1億5千6百萬。

「文玥」衛詩雅喺戲中跟兄長「志斌」朱康嘅重頭戲，呈現兩兄妹默契十足。
「第18屆亞洲電影大獎」入圍名單中，《破·地獄》獲得三項提名，包括最佳男主角—許冠文、最佳男配角—朱栢康及最佳原創音樂—朱芸編，榮獲最佳男配角提名嘅朱康收到消息後表示驚喜。

衛詩雅與朱康面對破地獄高難度動作嘅決心與毅力。
「文玥」衛詩雅喺戲中跟兄長「志斌」朱康嘅重頭戲，呈現兩兄妹默契十足，場面扣人心弦，劇組特別公開此場戲嘅拍攝花絮，展現出衛詩雅與朱康面對破地獄高難度動作嘅決心與毅力。為咗完美呈現呢場戲，衛詩雅拍攝前經歷長達9個月高強度訓練，朱康亦唔例外。

衛詩雅同朱康拍攝前經歷長達9個月高強度訓練。
二人喺拍攝前幾日，幾乎每個空檔都喺靈堂搭景處反覆練習動作，熟悉超度儀式嘅每個細節，拍攝當日，佢哋同武術指導及喃嚤師傅頻密交流，每次拍攝結束後便坐低休息，身心顯得十分疲憊。呢場戲不僅係精神上嘅挑戰，更係對體力考驗。

二人喺拍攝前幾日，幾乎每個空檔都喺靈堂搭景處反覆練習動作。
衛詩雅與朱康幾經辛苦，最終順利拍攝完成，子華跟劇組全場響起如雷嘅掌聲，周家怡見證住兩人付出，更加感動落淚；戲中另一場衛詩雅獨自破地獄，需要帶住悲傷情緒為摯親完成儀式，更要挑戰高難度跨火盆動作，佢興奮地展示自己被燒焦嘅頭髮，分享當下感受。

衛詩雅拍完後，興奮地展示自己被燒焦嘅頭髮。