蔡卓妍爆容祖兒欣賞朱栢康眼神不羈 自薦朱凌凌新歌MV女主角

張繼聰04.jpg由蔡卓妍（阿Sa）、張繼聰及朱栢康主演嘅賀歲片日前舉行宣傳活動，阿聰老婆謝安琪帶埋阿女現身撐場，阿聰笑指喺戲中飾演一個好憎人賭錢嘅人，連「阿爺」修哥都鬧，身旁嘅阿Sa話阿聰係跳制。
蔡卓妍、張繼聰及朱栢康
朱栢康憑《破‧地獄》一角被睇好係新一屆金像獎男配角大熱，朱栢康散發嘅魅力，連阿Sa都對朱栢康欣賞有加，爆好友容祖兒讚朱栢康眼神不羈，阿Sa指朱栢康靚仔級數係同劉俊謙睇齊。
張繼聰同太太謝安琪及囡囡Kakaball。
阿聰透露朱凌凌將出新碟，阿Sa自薦做MV女主角，阿聰笑言「朱凌凌」最勁係從來冇退出，但係啲人會覺得佢消失咗，朱凌凌成員係重犯樂隊，忙於「殺人分屍」演出、又成日打官司，又要逃獄做好多癲嘢，不過阿聰爆朱凌凌錄緊新碟，若果阿Sa做MV女主角，阿聰就做導演拍啲好唯美嘅MV。
張繼聰同阿Sa為主演嘅賀歲片出席宣傳活動。