蔡卓妍張繼聰開賭迎蛇 胡楓湊熱鬧講麻雀由來

賀歲電影《祥賭必贏》年廿九（1月28日）正式上映，新年限定海報首曝光，一眾演員賭桌前各拎住心水賭具，展露歡欣勝利表情，喜迎蛇年。

阿Sa興奮舉手應戰「開枱」，盡顯「賭徒」本色。
由蔡卓妍、張繼聰、朱栢康、胡楓及楊偲泳等主演，特別客串洪嘉豪，海報拍攝當日，大家圍埋賭桌談起麻雀經，原來阿Sa喺芸芸演員當中竟然係「賭神」，經常打衛生麻雀，精通各地牌術，每年過年會約同三五知己嚟個麻雀王大賽。阿Sa一提起麻雀即雀躍咁話：「麻雀耍樂簡直係國粹，當中牌局變化多端。」

阿Sa今次化身最強賭徒，胡楓飾演阿Sa嘅阿爺。
修哥胡楓湊熱鬧講起一個關於麻雀嘅由來故事：「據說麻雀係孔明發明；因為當年打仗嘅士兵冇娛樂，於是孔明便發明麻雀，一隻一隻牌咁創造出嚟，當時麻雀叫打馬吊。到後期行船嘅人，亦經常打麻雀作娛樂作消遣，打發時間。」

阿Sa與張繼聰於《祥賭必贏》裡飾演兩夫妻，一個爛賭、一個最憎人賭錢。新年限定小賭怡情海報！