鍾柔美9月中開學撞拍劇檔期 周殷廷捱窮歲月唔敢叫凍飲

歌手鍾柔美Yumi 同趙小婷 Pamela 捉住暑假尾巴會歌迷，現身一個商場嘅迷你音樂騷演出，Yumi唱跳展現春青活力，而Pamela自彈自唱突顯佢嘅文青女神氣質。兩人都超級享受同歌迷近距離嘅舞台，Pamela亦重拾當年街頭Busking嘅感覺。

Yumi唱跳展現春青活力。Pamela於現場自彈自唱。

Yumi喺九月中就要開學升讀HKU SPACE副學士課程，而家拍攝緊新劇《特勤女團》，同邵美琪、關禮傑等合作得相當開心，但劇集要拍到大約十月，會同返學嘅時間表相撞，Yumi就話相信公司嘅安排，亦感謝劇組配合遷就佢上堂時間。

YT話當年捱窮嘅歲月時，連加錢飲凍飲都唔敢。

同場演出嘅亦有今年爆紅嘅周殷廷 YT，回復自由身嘅YT近日作客電台重提自己嘅捱窮歲月，透露去茶餐廳加兩蚊轉凍飲都要諗清楚，回想過往10年低收入嘅日子，YT超級享受如今日日程爆滿，工作接工作嘅生活。