鍾柔美作客《聲生不息》被讚淡定 裝備自己期待再登大型舞台

鍾柔美(Yumi)、黃妍、組合小塵埃呢日出席一個活動推廣關注心臟健康，三位都有獻唱會樂迷，講到日前播出既《聲生不息‧大灣區季》，Yumi以飛行嘉賓登場，同李施嬅、鍾楚曦、麥嘉欣一齊合唱《共同渡過》，Yumi既表現仲獲網民大讚唔怯場，對於有機會企上呢個舞台，Yumi都覺得好榮幸，多謝網民對佢造型同演出方面嘅正平，希望有更多機會亮相內地節目，但暫時會努力裝備自己學多一啲東西，有機會來嘅時候可以好好爭取同把握。

Yumi非常感恩有機會到《聲生不息》舞台開眼界
踏入新一年Yumi繼續要學業工作兩兼顧，雖然壓力好大，但係佢就話依家學識揾方法減壓，唔似以前咁成日有負面想法，明白心情開朗先可以更健康同更有動力工作。
黃妍被師傅指命格稍欠男人緣

啱啱年尾又感冒又氣管敏感既黃妍，當然希望新一年可以身體健康，至於仲係單身既佢，對愛情冇咩寄望﹐因為早前被七仙羽師傅批佢係「冇男人命格」令佢喺求愛路上變得好灰，加上佢自認係宅女，就算約朋友食飯都係採取被動態動，旨意朋友約局先至出現。