張智霖透露阿仔張慕童將赴外地升學 陳展鵬胡定欣城寨CP難得合體

澳門政府呢晚喺一個首次啟用嘅戶外表演區舉行《澳門戶外表演區預熱音樂會》，張智霖、張敬軒、周柏豪、衛蘭、胡定欣、陳展鵬、張馳豪（Aska）、姚焯菲（Chantel ）、鍾柔美（Yumi）、周吉佩、羅啟豪及《亞洲超星團》男團LOONG9等群星助陣。

澳門舉辦嘅大型演出邀請大批藝人參與
張智霖日前跟老婆袁詠儀及兒子張慕童（魔童）去咗日本旅行差足電，今次佢好榮幸打頭陣喺呢個新場地演出，為咗喺台上呈現最佳狀態，佢去日本唔敢滑雪，怕受傷影響工作，除夕就同屋企人一齊過，而阿仔則準備去外地升學。
Chilam指囝囝魔童將往外地升學，會把握時間相處

展鵬同定欣呢對《城寨英雄》CP難得合體出騷，展鵬揀獻唱《你最珍貴》卻考起定欣，佢哋好榮幸成為第一個騷嘅表演者，定欣嚟緊除夕喺澳門開工，而展鵬可以放吓假陪屋企人。
《城寨》CP定欣同展鵬合體獻唱

吉吉亦應遨演出

衛蘭最近參與《聲生不息‧大灣區季》演出，首度參加內地綜藝節目，目前仍在適應當中，佢讚容祖兒同薛凱琪係活躍氣氛擔當，不時鼓勵佢講多啲嘢；Yumi早前登上《聲生不息·大灣區季》擔任飛行嘉賓，Chantel嚟緊1月亦參與該節目錄影，Yumi來年都迎來新挑戰，決心考車牌。

衛蘭參與《聲生不息》再受到關注

Aska、Chantel同Yumi於電台頒獎禮後即趕到澳門