黃洛妍澳門與林智樂合唱完急返港 會合歌迷試玩沙畫慶Fan Club周年紀念

 黃洛妍 日前先現身澳門戶外表演區預熱演唱會，之後就隨即返港，原來佢急住同歌迷見面，因為後援會已經成立兩周年，佢一早就約好一班妍究生慶祝喇。
Janees星期六晚完成澳門演出同慶功後，星期日一返港就同「妍究生」見面，慶祝後援會成立兩周年。不過紀念活動就並非傳統聖誕Party，原來一眾妍究生知道Janees特別喜愛手作藝術，不過平時工作太忙，所以決定陪Janees一齊體驗「沙畫藝術」。

Janees一完成澳門演出就急急返港，同歌迷一齊聚會
因為大家都係初學者，仲有妍究生覺得自己畫作美感不足而氣餒，但係Janees就以即將推出嘅新歌《我們都是藝術品》同大家互相勉勵。Janees強調每個人都與別不同，都有本身價值同值得欣賞嘅地方，無需緊隨傳統審美觀判斷自己價值，只要每件事盡自己能力做到最好，已經非常值得欣賞。
原來Janees嘅歌迷會已成立兩年年

整個下午氣氛溫馨融洽，大家猜猜畫畫，笑聲不絕。Janees 超近距離和粉絲交流、真情對話，最後更以Janees 的畫作，製成小相架留念。
呢日大家齊齊以藝術交流

Janees除夕晚再次應邀演出《福佑香江同心邁向2025》，已係第三年受到邀請，仲同好朋友 趙小婷一齊演出。而日前為「戶外表演區預熱音樂會」任表演嘉賓，又同林智樂合唱《完全因你》。Janees用歌聲之餘，又以拿手小提琴同Felix合作作演繹。
Janees早前已到內地以嘉賓身份錄影《聲生不息》

其實上星期聖誕前，Janees已為《聲生不息·大灣區季》作第7期飛行嘉賓演出，亦同Felix林智樂同場，集數預計1月播出。

同Felix一齊錄影完，日前孜再於澳門同台演出