福佑香江同心邁向2025丨林夏薇譚俊彥獻唱添運勢 周吉佩期待衝出音樂界

譚俊彥 林夏薇 麥潔文 聯同《中年好聲音》頭兩季唱將，以及《聲夢傳奇2》畢業生及應屆港姐，除夕夜一齊現身天壇大佛，參與《福佑香江 同心邁向2025》節目演出，與現場過千名觀眾一齊倒數，迎接2025年來臨，眾歌手藝人獻唱富祝福同正能量嘅歌曲，為廣大市民送上新年祝福。

Shaun同薇薇幾年前都一齊參與過大佛倒數，之後就一齊奪視帝視后，Shaun覺得今年又好似一齊組合嘅翻版配搭，問到會否繼續雙雙再套視帝視后，Shaun就希望承主持貴言，而薇薇話2024年喺演藝同事業都作出突破，佢都希望新一年繼續好，亦順便為入視后十強《黑色月光》中角色卓慧雲拉票。
Shaun同薇薇再次為大佛祁福活動倒數擔任表演嘉賓

舊年同樣係大豐收嘅周吉佩，期待新一年可以突破音樂界，兼預告會製作網上節目。支嚳儀計劃到加拿大登台，並呼籲身邊戰友一齊同行，而龍婷希望推出新作。羅啟豪話去年許下願望，有些已成真，講到新一年願望，佢就話要陪多啲家人，因為自知工作忙而疏忽咗家人，劉威煌都話要取平衡，佢仲同譚輝智及顏志恒兩位人夫笑指被太太投訴，因為工作量太少。
中聲家送成員亦大隊參與

女團MISSY舊年出道已經成功開騷，而今年佢哋會以樂壇新人身份出席頒獎禮，佢哋都話抱住輝智心態，以最年長新人身份角逐獎項。