古淖文驚開騷除衫會影響巿容 譚輝智角逐最佳男新人名利雙豐收

三位《中年好聲音2》唱將古淖文German、譚輝智、顏米羔合體現身一個活動，同大家一齊歡度佳節，粉絲們一早霸定靚位支持偶像，三兄弟難得同台演出帶動現場戲氛。雖然兄弟間各有各忙，但一合體就話題不斷，米羔希望一年365日都可以聚首做騷，最好搵埋TVB娛樂新聞台主播許文軒Edmond合唱，輝智見到文軒更特別回想佢參加新秀歌唱比賽嘅時候。而古淖文就想三子多啲合體工作。

譚輝智
明年一月古淖文將會喺香港舉行兩場演唱會，近日密鑼緊鼓努力操練，並決絕地表示唔會邀請嘉賓上台，情願自己辛苦啲，換衫換快啲，盡量親身上陣回饋歌迷。身邊兩位好友即提議古淖文一邊除衫一邊唱歌，古淖文笑指驚會影響巿容要罰款。

古淖文
而啱啱同家人去完澳門過聖誕嘅輝智，今年成績得到唔錯肯定，除咗有份入圍角逐《萬千星輝頒獎典禮2024》「最佳男新人」5強之外，佢喺《中年好聲音2》首歌曲《歸來吧》亦成為一個串流平台熱門影片第四位，令輝智覺得喜出望外，自己都係事後先知道呢個喜訊。
顏米羔