肥媽黑妹兩場演唱落幕 入場好友獲邀上台合唱

肥媽 同 黑妹 再次合體舉行兩場演唱會完滿結束，尾場更吸引 薛家燕 梁安琪 狄波拉 姜大衞 夫婦 胡楓 羅蘭 等好友到場支持。唱足幾十年嘅「媽妹」呢晚以多個造型演出，先以「媽姐」獻唱多首歌曲，之後仲換上唔同服務業演出。

肥媽同黑妹嘅兩場演唱會圓滿完成
唱歌之餘，肥媽同黑妹喺台上又妙語如珠，後來又邀請一眾嘉賓齊齊上台合唱，完騷後受訪時，仲話非常多謝大家捧場支持，又話想即刻要去打邊爐慶功同醫肚。不過講到會唔會唔夠喉時，肥媽就指次次都係黑妹Book完場就突然叫自己準備，所以下次要再諗諗咁話。
造型鬼馬之餘仲喺台上爆料搞笑

而一眾後輩好似 古淖文 黃劍文 譚輝智 呢日亦有上台擔任嘉賓演出，《中聲2》三劍俠仲話一早已經被兩位前輩點名，FC仲指曾遞咪予拉姑不過被婉拒，至於早前獲對方於《歡樂滿東華》捐出100萬贊助演出，FC就話知道過去每年拉姑都會捐助需要人士喇。
古淖文應邀擔任嘉賓

Kimman亦有參與演出

FC指肥媽同黑妹一早已經點名要佢哋幫手

羅敏莊 亦由泰國返港擔任嘉賓，更兩場都有上台演出，完騷後佢就話會留港幾日，之後就會返去陪囡囡過聖誕喇。

羅敏莊亦由泰國返港獻唱