歡樂滿東華2024丨叻哥讚阮浩棕揈水髮造型靚 譚輝智劉威煌獻聲與應屆港姐台上互動

一年一度慈善大騷《歡樂滿東華2024》喺12月7日（星期六）今晚8點喺無綫電視翡翠台現場直播，好多藝員喺呢段期間瞓身落力綵排，希望籌到最多善款，開騷前一眾台前幕後非常齊心出席拜神儀式，務求事事順利。

開騷前一眾台前幕後非常齊心出席拜神儀式，務求事事順利。
叻哥陳百祥今年與幾位後輩齊齊擔任主持，佢笑言要跟後輩學習，認為一代新人勝舊人，前浪永遠係由後浪推上去，叻哥只能跟後輩分享經歷，最重要係觀眾鍾意，而身旁嘅阮浩棕要表演揈水髮，叻哥讚對方造型好靚，不過未睇對方揈成係點，呼籲大家記得打熱線支持；阮浩棕坦言要注意揈水髮嘅發力，皆因好易整親，承諾今晚會盡力演出。

叻哥陳百祥今年與幾位後輩齊齊擔任主持，佢笑言要跟後輩學習，認為一代新人勝舊人。
關禮傑 同 朱晨麗 將上演歌舞表演，攜手化身舞王舞后，而阿女關楓馨負責做主持兼為阿爸打氣，關楓馨見爸爸綵排時更感動落淚，讚整個表演好好睇！

阿女關楓馨負責做主持兼為阿爸關禮傑打氣。
黃劍文、 譚輝智 及 劉威煌 身負重任，與應屆港姐喺台上互動兼獻唱，劉威煌預告自己嗰part安排咗一個Friend Hug，黃劍文笑指自己嗰part連手仔都掂唔到，而吳大強今晚都會獻聲，表示心情既興奮又緊張，希望發揮到最好嘅水準畀觀眾欣賞。

黃劍文、 譚輝智 及 劉威煌 身負重任，與應屆港姐喺台上互動兼獻唱。

吳大強今晚都會獻聲，表示心情既興奮又緊張。