肥媽黑妹騷前忙綵排以快歌熱身 羅敏莊回港孖黃劍文任嘉賓撐場

肥媽Maria Cordero同黑妹李麗霞組「媽妹」開騷在即，呢日佢哋搵埋《中聲》嘉賓之一嘅黃劍文同契女羅敏莊一齊綵排，四人以快歌《愛情陷阱》熱身。

肥媽同黑妹嘅演唱會即將舉行
其實有份演出仲有兩位《中聲》唱將古淖文同譚輝智，佢哋近排忙到甩轆，衝出香港登台，無法抽空出席綵排。肥媽一早同古淖文及譚輝智度期演出，仲話佢哋兩個應該紅，肥媽坦言望佢哋有好發展，有嘢就應該去做，至緊要偶爾肯應酬一下阿媽就得；呢次「媽妹」開騷反應熱烈，佢哋搶住回購門票解決飛債。
Kimman同Mimi亦都會參與演出

羅敏莊今次專程由泰國回港做嘉賓，支持「媽妹」呢個新組合，笑指平時食飯已經好似說唱會，肥媽同黑妹講嘢都好好笑，尤其係肥媽講以前啲嘢係笑到甩轆，呢次係專登返嚟睇騷，而黃劍文就挑戰跳唱，希望帶啲新鮮感畀觀眾。

呢日綵排佢哋已經玩得非常開心喇