中聲戰友拉大隊行善 龍婷獻唱狀態大勇

《中年好聲音》嘅十幾位戰友包括吳大強、龍婷、李佳、顏志恒、涂家堯等，呢日齊齊現身一個慈善嘉年華，力撐好友柳冕有份舉辦嘅活動，為善事出力，席間柳冕亦分享遇上交通意外後四肢傷殘嘅自身經歷，並高唱勵志歌曲勉勵同路人。

柳冕呢日舉辦慈善活動，獲大批戰友支持
熱心行善嘅大強話呢次自己報名參加，希望出少少綿力，而顏志恒就話收到邀請後亦一口答應，希望提早同大家慶祝佳節，李泇霖就大讚柳冕好厲害，成功籌辦呢個活動，佢仲話中聲成員可以一齊以呢個陣容出嚟唱歌，絕對係好值得呀。
一班老友為慈濟出心出力

另外龍婷5個月前捲入負面緋聞中，經一段時間沉澱後，早前已經投入工作，呢日雖然冇公開受訪，但見佢喺台上嘅演出狀態大勇。

龍婷呢日亦為活動演出