李佳芯鍾情戶外跑練毅力 車婉婉享受一家人行山

李佳芯同車婉婉擔任慈善跑嘉賓，Ali負責向健兒頒獎，而抱病嘅婉婉就獻唱打氣。12年前因為低潮而接觸跑步嘅Ali，至今仍然有跑步做運動。
李佳芯同車婉婉擔任慈善跑嘉賓。Ali表示自己鍾意跑街同跑山。
Ali鍾意跑街同跑山，皆因過程中可以感受到同大自然接觸，尤其是跑山時候，當感到辛苦時候就要不停調整呼吸，同時可以鍛練毅力。早前完成新劇《麻雀樂團》，Ali把握時間去進修同籌備一些計劃，希望稍後可以跟大家分享。
婉婉平日都會同家人去行山。
婉婉多年嚟保持弗爆身型，主要係佢努力運動，佢話健身同打高球之餘，就係一家人去行山，親親大自然，而行山時候佢會以快步行增加運動量。