李佳新歌MV搵黃美棋跨刀演出 重現過往遇渣男真實經歷

李佳 為新歌《再找一天忘記你》拍攝MV，仲搵來 黃美棋 演出女主角，今次新歌曲風係佳佳擅長嘅慘情歌，最特別之處係呢首歌係由《中年好聲音》嘅評審張佳添作曲，而且仲係佳佳自己爭取返來嘅。事關佳佳有次無意中聽到首歌嘅旋律之後非常鍾意，就主動同添Sir表達意願，希望可以將首歌收歸己有，添Sir亦好爽快一口應承。佳佳話初時自己都嘗試填詞，不過始終經驗不足唔夠成熟，所以未被採用。

李佳喺新歌加入自己過往嘅感情經歷
美棋今次喺MV中唔單止要扮演佳佳年輕版，仲要上演佳佳嘅真實感情經歷，其中有一幕，美棋要被渣男拖出車外，仲將佢嘅物品掉到成地都係，美棋話好難想像呢個竟然係佳佳嘅真實經歷。

美棋於MV中扮演年輕時嘅佳佳