StarTalk｜吳鎮宇圓夢打宇宙最強甄子丹 張智霖為新戲打造破格白髮造型

吳鎮宇 張智霖 同 甄子丹 最近一齊合作演出新戲，兩人作客《StarTalk》接受主播王鎮泉專訪，分享新戲拍攝點滴，佢哋話喺片場有講唔盡話題。今次鎮宇喺戲中同「宇宙最強」甄子丹有對打戲，鎮宇強調係子丹被佢打，佢話當初同對方提出好多觀眾想見「宇宙最強」被打，因而促成呢場戲份，鎮宇仲笑言圓夢。

Chilam、鎮宇同子丹合作嘅新片，以真人真事改編

吳鎮宇話新片同甄子丹對打，可以話圓夢之作
Chilam同子丹私下係好朋友，曾經相約過一齊去旅行，彼此相識咗好耐，但合作演戲就係首次。講到今次戲中嘅破格白髮造型，Chilam話事前都花盡心思去構思，最後就以自己設計嘅呢個造型去開會，並獲得大家接納。
Chilam嘅白髮造型一樣有型

戲中仲有汪明荃參與演出，鎮宇自爆曾經跟阿姐喺劇集《萬水千山總是情》演過同學，令到身邊嘅Chilam非常驚訝，鎮宇仲自爆同阿姐嘅淵源。Chilam都分享同阿姐有過經典演出，佢喺《萬千星輝賀台慶1994》跟阿姐演出《熱咖啡》，兩人又大談對大家嘅睇法同感覺。

鎮宇同Chilam合作嘅《衝上雲宵II》係經典之作

Liza姐亦有參與新片演出，而兩位男神原來同阿姐亦有唔少淵源