電影泉攻略丨張艾嘉《女兒的女兒》棄女送養 視為人生污點不敢面對丨EP133

王鎮泉 Jeoffrey 每星期為觀眾提供最熱辣電影資訊，中外猛片專訪花絮上映時間全部集齊，「電影泉攻略」個個星期陪你睇新戲。
林嘉欣、張艾嘉為電影《女兒的女兒》宣傳。
主演新戲《女兒的女兒》嘅張艾嘉同林嘉欣，接受Jeoffrey訪問講佢哋拍攝點滴，張艾嘉飾演「金艾霞」講16歲時喺紐約未婚生女，透過阿媽安排將阿女送養，多年後返台結婚生子，視大女係人生污點唔敢面對，而林嘉欣演大女「Emma」承受出生後被母親棄於美國一輩子傷痕，佢就好想填補人生嘅missing pieces。
張艾嘉
本周新片速遞有《女兒的女兒》由侯孝賢同張艾嘉聯合監製，講述邁入人生下半場嘅金艾霞，生活本來悠然自在，偶爾問候自己未成年時生而棄養、目前定居紐約嘅大女兒Emma，最擔心卻係正計畫進行人工受孕嘅倔強細女祖兒，冇諗過一場意外，令金艾霞必須面對難解嘅親情抉擇。
林嘉欣
《狂獸獵人格力文》講格力文自小認知喺任何情況下都唔能夠示弱，要變得強悍、手下無情，後嚟佢意外獲得超強力量，感官能力全面躍升，更利用與動物嘅聯繫嚟追蹤獵物，一旦被佢睇中，只有死路一條！

《手機見鬼》講甜美可人嘅新手網紅莉莉，由於不受歡迎，加上男友出軌搭上其閨密，人生陷入低潮。有日佢意外得到一部來歷不明嘅手機，並收到來自女鬼小雅嘅詭異訊息，小雅為莉莉實現心中所想，莉莉卻要付出暗黑代價，必須幫小雅完成恐怖復仇大計。

《熊貓計劃》講國際功夫巨星Jackie Chan受邀領養超人氣熊貓寶寶呼呼，呼呼獨有嘅「大細眼」基因卻引嚟國際犯罪組織嘅覬覦，誓要奪走熊貓呼呼，Jackie Chan組成護寶聯盟，上映一場笑料不斷嘅營救熊貓大作戰。

《多想和你再見一面》講1998年澳門女孩Sandy結識內地男孩喬明莊，短暫相處後各奔東西，廿年後港珠澳大橋橫跨海峽，兩人歷經變遷後再次重逢。

《如果德川家康成為總理大臣》講2020年疫情橫行，日本首相府出現集體感染，首相竟然急病身亡，為解決意想不到嘅危機，政府拿出殺手鐧就係召喚出AI歷史偉人大戰病毒，由江戶時代之父．德川家康擔任首相，由織田信長、豐臣秀吉等猛將組成夢幻內閣，瞬即令全國陷入大狂熱。

至於今個星期嘅票房戰況，直至12月11號中午，第三位《魔海奇緣2》、第二位《爸爸》、第一位《破．地獄》。