電影泉攻略丨導演彭發新戲講手機有陰陽眼 拍鬼片心得越靠害越好睇丨EP132

王鎮泉 Jeoffrey 每星期為觀眾提供最熱辣電影資訊，中外猛片專訪花絮上映時間全部集齊，「電影泉攻略」個個星期陪你睇新戲。
《魔海奇緣2》順應推出
2016年迪士尼動畫電影《魔海奇緣》全球總票房高達6.8億美元，續集《魔海奇緣2》順應推出，今次繼續有The Rock狄維莊遜（Dwayne Johnson）聲演入型入格，預計2026年推出真人版電影，好大機會搵嚟The Rock擔任。
《魔海奇緣》有機會推出真人版。
本周新片速遞有《魔海奇緣2》講上集航程3年後，慕安娜再度收到先祖嘅召喚，聯同半人半神茂宜、豬包、公雞喜喜，同一隊全新海上夥伴，啟程向遠海進發，勇闖神秘海域，展開前所未有、更驚險刺激的海洋大冒險！

《怪殺一夜情》出嚟玩，好易中伏，隨時仲會跌入連環殺人犯嘅精心佈局，一場峰迴路轉嘅一夜情，演變成連環殺人犯血腥屠殺。
劉青雲 谷祖琳
《爸爸》故事藍本來自2010年荃灣享和街弒母殺妹案啟發，講述失去家人嘅阮永年如常返茶餐廳開舖，令自己感覺一切依舊，血緣嘅摰親奪走咗生命摯愛，永年既無法憎恨生者，更無法忘記逝者，縱與兒子一窗之隔，永年比以往更努力活得像一個「爸爸」。 父與子呢段窒息嘅關係會否迎嚟長夜盡頭，成為彼此活着嘅救贖？
青雲讚戲中兩位小演員好有天份。
劉青雲今次飾演失去家人嘅阮永年，坦言平時都係一個普通人，跟電影中嘅「爸爸」冇分別，只係做回平時嘅自己，而谷祖琳就要練客家話，成日聽住條錄音去學，青雲讚戲中嘅小演員蘇文濤同熊諾頤好有天份，好有膽量去演得自然啲。
林明禎 彭發
鬼王導演彭發最近親自執導同編劇一套全新港式鬼片《手機見鬼》，題材以一部手機有陰陽眼，可以同鬼溝通，最近泉叔訪問彭發同林明禎一齊傾吓，彭發憑《見鬼》系列讓人印象深刻，佢話一定性格要整蠱人同頑皮，越鍾意「靠害」嘅人、拍鬼片越好睇，要令觀眾離開咗戲院都仲係驚，而彭發仲試過喺片場嚇到林明禎好驚。

至於今個星期嘅票房戰況，直至12月4號中午，第三位《魔法壞女巫》、第二位《焚城》、第一位《破．地獄》。