電影泉攻略丨鄭丹瑞演「勞嘈」長者 坦認後生時性格暴躁丨EP131

王鎮泉 Jeoffrey 每星期為觀眾提供最熱辣電影資訊，中外猛片專訪花絮上映時間全部集齊，「電影泉攻略」個個星期陪你睇新戲。
鄭丹瑞、廖子妤 及 盧慧敏 接受《電影泉攻略》訪問。
鄭丹瑞（旦哥）、盧慧敏（Amy）及廖子妤呢日現身宣傳新戲《得寵先生》，旦哥喺戲中飾演一個「㗦嘈（音：勞嘈）」嘅長者，被問係咪同平時嘅自己好大反差，Amy即笑指冇反差，旦哥話佢哋拍完就開始放肆，坦言今次係好大挑戰之餘，又係做番自己，旦哥坦言後生嗰陣係咁暴躁！
鄭丹瑞
本周新片速遞有《得寵先生》講一名60歲獨居長者任春佳喺被迫退休後回望自己一生，面對婚姻失敗、父女關係疏離，感到生無可戀決定上山尋死，幸好垂死一 刻被流浪狗燒腩發現，燒腩令原本討厭狗嘅佳叔對流浪動物改觀，仲慢慢解開同女兒積壓多年嘅心結。
廖子妤
《JSA安全地帶(4K完全復刻版)》講南、北韓邊境士兵之間超越國界嘅友誼，由宋康昊、李炳憲及李英愛等著名影帝影后聯合主演，曾經橫掃多個電影大獎。
盧慧敏
《小雁與吳愛麗》講小雁為咗保護母親而過失弒父，入獄8年後重回小鎮上，繼續與母親相依為命。而Allie就喺城市裡試圖用表演課面對自己。當兩人共同秘密被解開後，小雁係咪能夠逆轉佢同母親注定嘅悲劇命運？

至於今個星期嘅票房戰況，直至11月27號中午，第三位《魔法壞女巫》、第二位《焚城》、第一位《破．地獄》。