電影泉攻略丨《魔法壞女巫》兩女主角激動落淚 桂綸鎂因新片愛上飆車丨EP130

王鎮泉 Jeoffrey 每星期為觀眾提供最熱辣電影資訊，中外猛片專訪花絮上映時間全部集齊，「電影泉攻略」個個星期陪你睇新戲。

今集除咗有泉叔訪問《帝國驕雄II》嘅導演及一眾演員外，仲有今由兩位國際歌后Ariana Grande同Cynthia Erivo聯手主演嘅新片《魔法壞女巫》，以及《台北追緝令》嘅製作特輯。
《帝國驕雄II》相隔20年再次重現羅馬帝國年代嘅大形場面

《魔法壞女巫》由音樂劇《Wicked》改編而成，喺製作特輯入面，兩位女主角Ariana Grande、 Cynthia Erivo同導演朱浩偉都分別分享咗佢哋睇完音樂劇《Wicked》後嘅感受，當中Cynthia Erivo指自己25歲生日時去睇咗呢個音樂劇，佢形容自己從來未睇過聽過一個咁樣嘅演出，令佢覺得相當快活。而Ariana Grande亦指自己10歲時有幸喺百老滙睇過呢個音樂劇，當時佢睇完覺得好有共鳴，佢又指當自己每當緊張、需要安慰、想要Me Time時，都會聽劇中嘅歌曲。
Ariana Grande同Cynthia Erivo合演《魔法壞女巫》

提到當初去面試呢部電影時，Ariana Grande指自己只記得當時個腦嗡嗡作響，導演朱浩偉就話自己從來未見過對方呢個狀態。對於Cynthia Erivo嘅表演，朱浩偉指對方相當自然同動人，令佢印象難忘。製作特輯入面就收錄咗Cynthia Erivo收到導演邀約演出時嘅片段，當Cynthia Erivo聽到朱浩偉講決定搵佢演出艾芙芭Elphaba呢個角色時，Cynthia Erivo即時開心到抱頭大喊，甚至喺製作特輯嘅訪問中再講起呢件事時，佢都係忍唔住落淚，仲話自己從來冇諗過有機會可以參與呢個鉅作。

同樣當導演通知Ariana Grande，希望搵佢演出善良嘅格蓮達Galinda時，對方亦激動落淚，仲話自己真係好鍾意呢個角色，會好好咁演好佢。朱浩偉指希望觀眾睇呢套電影時，可以體會到前所未有嘅感受，同時想大家感受到自己第一次走入劇場時嘅感覺。
《台北追緝令》將荷里活式動作電影於台北街頭重現

《台北追緝令》嘅製作特輯，就有男主角Luke Evans分享佢演出呢個角色曼難嘅地方，而姜成鎬就指演動作打鬥場面時，十足運動員準備比賽咁。戲中有唔少飆車戲嘅桂綸鎂，就表示自己揸咗好多款車，當中包括越野車、開篷車、法拉利等，小鎂笑言自己愛上嗰種速度同爆發力。