StarTalk丨肥媽拒減肥經歷生死更懂享受 難忘登台以急才幫任達華解圍

肥媽同黑妹以女子組合「媽妹」行走江湖多年，二人嚟緊開演唱會，呢日現身TVB娛樂新聞台節目《StarTalk》，與主播 王鎮泉（Jeoffrey） 講吓嚟緊開騷有咩要準備，肥媽透露已準備靚靚歌衫及造型，務求出場時令觀眾睇到嘩嘩聲。

肥媽同黑妹呢對相識多年嘅好友將再次開騷
肥媽講明拒絕為演出減肥，皆因經歷過生死之後，佢更懂得吃喝玩樂享受生活，肥媽又指身形肥肥地係本錢嚟，又話上咗年紀當有事嗰陣肥膏就係子彈，對自己有幫助！講到登台嘅蝦碌事，肥媽最記得有次同「大傻」成奎安登台，試過有一隻飛蛾飛咗入口，肥媽仍賣力繼續唱，佢又試過喺印尼開騷時，以急才幫任達華解圍。
佢哋又分享多年來合作嘅唔少趣事

肥媽近年擔任《中年好聲音》評審甚受歡迎，佢透露《中聲3》做第一個撳燈嘅原因，肥媽有感參加者喺海選一路努力殺出重圍，能夠躋身100強；肥媽覺得參賽者絕對值得有一、兩盞燈嘅成績，至少令參賽者回家有一個交代。

近年擔任《中聲》系列評審嘅肥媽，亦提到被稱為「長明燈」嘅緣由