林明禎臨時甩底首映禮 觸怒導演彭發嬲爆開火 女神形象插水被封「大話禎」？

彭發執導嘅鬼片12月6號晚舉行首映禮，彭發率領主演陳苡臻、陳星妤及譚淇淇等一同現身，不過戲中女主角大馬女神林明禎則臨時缺席。另外邵音音、唐文龍、石修、陳宇琛、胡子彤、朱鑑然等有到場支持。

彭發執導嘅鬼片12月6號晚舉行首映禮，女主角大馬女神林明禎臨時缺席。
彭發受訪時對明禎突然失蹤相當不滿，嬲爆表示：「佢話佢冇咗本護照，我又唔覺得會係拍拖拍到唔見咗本護照。聽講佢個護照失咗蹤，我覺得都得意，奇怪過我拍鬼片，可能係本護照見鬼，下部可以開拍《護照見鬼》。」

彭發受訪時對明禎突然失蹤相當不滿。
彭發話明禎喺活動前幾個鐘前先話嚟唔到，拍戲以嚟都未試過有演員缺席首映禮，亦唔知道明禎之後會否現身宣傳。彭發對明禎此舉極度不滿，出奇地有網民聲稱喺戲院外見到明禎，仲成功集郵展示合照。明禎喺晚上11點左右，終於喺IG Story出道歉帖文，表示懷著萬分愧疚嘅心情向大家致歉，解釋由於航班跟護照問題，沒法順利登機準時回港，未能出席首映禮非常抱歉，並向各媒體及相關單位團隊表示深深歉意。之後明禎又刪Po，相隔半小時再出Story，刪去航班問題字眼。

出奇地有網民聲稱喺戲院外見到明禎，仲成功集郵展示合照。
雖然明禎及時跪低為事件道歉，但就被網民鬧爆佢臨時失場唔專業、女主角甩底首映、女神大晒、都唔係第一次講大話，又唔認拍拖等並封佢為「大話禎」，女神形象插水。

明禎喺晚上11點左右，終於喺IG Story出道歉帖文，表示懷著萬分愧疚嘅心情向大家致歉。
電影講述一位飽受欺凌最終含冤而死嘅女生變成厲鬼，藉著手機展開血腥復仇恐怖故事。彭發喺首映禮上分享創作由來，現代人手機不離身，所以想拍一部同手機有關嘅鬼片，今次全片由手機拍攝。身穿黑色露背裙嘅陳星妤，透露獲邀拍攝後，隨即重溫彭發導演早年執導嘅電影《見鬼》系列。至於陳苡臻喺戲中飾演女鬼，要被人打、被火燒，好多被虐戲。

電影講述一位飽受欺凌最終含冤而死嘅女生變成厲鬼，藉著手機展開血腥復仇恐怖故事。