劉青雲重遇戲中仔女激發父愛 「縱容」一對仔女爆肚演出溫馨感

劉青雲、谷祖琳呢日現身新戲《爸爸》首映活動，青雲同小谷重遇戲中一對仔女嘅兩位演員蘇文濤、熊諾頤時感到既熟悉又陌生，尤其係飾演細女嘅熊諾頤，已經由小女孩成長變成少女。青雲話自己嘅父愛再被激起，大讚蘇文濤好生性，喺東京國際電影節見到對方西裝骨骨、又識講日文時，有種老淚縱橫嘅感覺。

青雲同小谷重遇戲中一對仔女嘅兩位演員蘇文濤、熊諾頤時感到既熟悉又陌生。

青雲讚熊諾頤又甜又可愛，經常提「青雲爸爸，記得飲水」，但係青雲話自己完全冇做爸爸嘅欲望，因為最好嘅事就係「人哋湊，唔使自己養。」 青雲喺戲中嘅破格表現，令唔少觀眾認為佢可以憑呢套戲四度問鼎金像獎影帝，但青雲就冇諗太多拎獎嘅事！問到會唔會欣賞近日票房節節上升嘅新戲《破·地獄》時，青雲話會抽空捧場。

青雲讚熊諾頤又甜又可愛，經常提「青雲爸爸，記得飲水」，但係青雲話自己完全冇做爸爸嘅欲望。
至於有冇票房壓力，青雲認為兩套戲種類唔同，自己唔會有太大奢望，不過佢為《破·地獄》有破億票房而高興，因為市場最需要就係刺激，同埋拍一套好戲，令觀眾對港產片有信心。 平日乖乖仔嘅蘇文濤喺戲中要跟楊偉倫學壞，而佢同戲中阿妹喺拍攝時亦不時爆肚演出，導演翁子光就話係因為青雲「縱容」一對仔女爆肚，演出一家人嘅溫馨感。演出經驗多多嘅楊偉倫作為前輩，亦對蘇文濤嘅表現讚賞有加，大讚對方有潛能。

問到會唔會欣賞近日票房節節上升嘅新戲《破·地獄》時，青雲話會抽空捧場。