金馬獎｜鍾雪瑩連續第二年提名正式封后 聾人角色勇退張艾嘉吳君如

第61屆台灣金馬獎星期六晚舉行，去年已憑《填詞L》首度入圍競逐影后嘅香港女演員 鍾雪瑩 今年再憑《看我今天怎麼說》嘅聾人角色再度入圍，更一舉擊退賽前呼聲甚高，分別參演《女兒的女兒》嘅 張艾嘉 同《我談的那段戀愛》，以及同樣來自香港；《從今以後》嘅 區家雯 ，一舉踏上影后寶座。

鍾雪瑩以《聽我今天怎麼說》榮封金馬影后(金馬影展圖片)

賽前有指最近接連獲獎嘅吳君如呼聲甚高(金馬影展圖片)

張艾嘉亦以同林嘉欣等合作嘅《女兒的女兒》成為另一熱門(金馬影展圖片)
同片入圍競爭影帝殊榮嘅 游學修 ，不敵《漂亮朋友》嘅 張智勇，男、女配角就分別由《角頭－大橋頭》嘅 施名帥 同 《小雁與吳愛麗》嘅 楊貴媚 收入囊中。
除咗鍾雪瑩為港爭光之外，香港獨立記者陳卓斯同王紀堯嘅《顏色擷取樣本.mov》獲得紀錄短片獎，最佳動畫短片亦由香港動畫製作人 石家俊嘅《房間裡的你》獲得，佢過去曾以另一作品《暗房夜空》獲同一獎項。
獨立記者陳卓斯同王紀堯嘅《顏色擷取樣本.mov》獲得紀錄短片獎(金馬影展圖片)

石家俊憑《房間裡的你》再次獲得最佳動畫短片(金馬影展圖片)

7月離世嘅一代武打女星 鄭佩佩 ，獲大會頒發終身成就獎，佩佩姐4位子女都有現身，接過李安導演手上嘅獎項，現場播出嘅紀念短片包括佢《臥虎藏龍》中嘅英姿，亦包括《唐伯虎點秋香》中嘅惹笑片段以及過往無數精彩演出。
大會向7月離世嘅鄭佩佩追頒終身成就紀念獎，四位子女代表接受(金馬影展圖片)

最佳劇情片與最佳導演均由《一部未完成的電影》奪得，而共有11項入圍嘅《鬼才之道》就先後獲頒最佳視覺效果、最佳美術設計、最佳造型設計、最佳動作設計以及最佳原創電影歌曲共5獎，成為今屆大贏家。