吳君如劉德華出席金雞百花獎晚宴 頒發獎項予多位香港電影人

吳君如 MC張天賦主演嘅電影《我談的那場戀愛》，近日喺內地上映，君如連日來馬不停蹄先後到深圳、廣州、佛山等地宣傳，15號佢地飛抵廈門準備出席16號晚舉行嘅第37屆「中國電影金雞百花獎」頒獎禮。

君如同多位香港電影人現物廈門出席今晚舉行嘅金雞百花獎
君如同導演何妙祺、監製陳慶嘉15號一抵達廈門，隨即亮相「金雞華語電影巡禮」紅地氈，仲現場示範如何調教戲中嘅海鹽啤酒，非常有心思，最後三人更碰杯預祝電影大賣。
佢又同《我談的那場戀愛》導演、監製一齊重現片中嘅海鹽啤酒

君如同劉德華獲大會邀請擔任今屆「金雞華語電影」推介人，巡禮晚宴上，君如同華仔頒發「年度期待華語電影」（港澳地區），包括《我談的那場戀愛》、《破．地獄》、《武替道》、《惡人當道》等都獲得殊榮。君如以頒獎人同得獎人雙重身份站上台，自然加倍開心。另外佢亦同一班香港電影人包括衛詩雅、伍允龍、導演陳茂賢、梁舜堯、關文軒等同台合照，場面熱鬧。

又同華仔同台擔任港產片推介人