StarTalk一氣呵成版丨黃子華熟悉殯儀業流程 稱與戲中拍檔可開長生店

黃子華 嘅新片上映短短一日已經刷新票房紀錄，早前佢同 導演 陳茂賢 作客《StarTalk》接受主播 王鎮泉 專訪，子華話當初考慮接唔接拍電影時，先知道 衛詩雅 經已學咗破地獄學咗九個月，陳導話當初構思電影時，就提議衛詩雅先去學儀式，因為佢好想透露作品帶出生死議題。

黃子華爆料原來衛詩雅學破地獄花費大量時間
訪問途中，子華爆料話導演好愛呢部電影，前前後後剪接咗四十幾個版本，兼且久不久就打電話畀佢「子華可唔可以幫我錄呢幾句，我又想咁剪吓。」陳導解釋想令更多人感受到佢想表達嘅嘢。
導演亦被子華踢爆，新片足足剪咗40多個版本

子華話拍呢部電影增長唔少知識，尤其好多殯儀行業中嘅做法，例如執骨、幫先人穿衣，佢仲話可以同許冠文、衛詩雅、朱栢康結盟開長生店，因為大家已經學識成套殯葬事宜。

子華神呢日仲話演員可以夾份開設長生店生意