吳浩康化身護心真漢子 拍片宣揚心臟健康資訊

吳浩康（Deep）之前因受疫情影響，令工作收入跌至新低點，為咗養家，佢毅然轉行做「職安真漢子」，結果獲得廣大觀眾嘅支持，大讚Deep 有承擔係「真漢子」。

吳浩康為咗養家，毅然轉行做「職安真漢子」。
轉行後嘅Deep，除咗繼續忙碌工作外，令佢比以前更注重健康，尤其係早前Deep嘅爸爸出現心臟問題，令佢意識到心臟健康嘅重要，尤其心臟病喺香港最常見嘅致命疾病之一，真係唔可以輕視。

早前Deep嘅爸爸出現心臟問題，令佢意識到心臟健康嘅重要。
近年越操Fit嘅Deep，早前更獲《香港心臟專科學院》邀請拍攝一連5集《護心真漢子》短片，希望Deep透過佢人生中多重角色，接受唔同心臟科專科醫生嘅挑戰，並同醫生一齊宣揚心臟健康資訊。

Deep透過佢人生中多重角色，接受唔同心臟科專科醫生嘅挑戰。
Deep表示不時聽到工友提到心口有「翳翳痛」或感到心口被壓著嘅情況，但一般市民對胸口痛嘅認識唔多，自己亦未必可以為對方提供太多建議，所以好希望透過短片幫工友了解一下心臟病嘅相關知識。

Deep表示不時聽到工友提到心口有「翳翳痛」或感到心口被壓著嘅情況，但一般市民對胸口痛嘅認識唔多。